Posted by: Siba Bizri Arabic Shoah Editor in Chief
يسرى نعمة
من أول ما صرنا نشم في ريحة مؤامرة ومرتزقة مدفوعة الأجر سلفاً بتمويل قطرائيلي وسعودائيلي، لتدمير سوريا
وتهجير شعبها وقتله، وانهاك الجيش العربي السوري، وبصمات القاعدة بسوريا ظاهرة، ونحنا نحكي نفس الموال كل يوم لمناصري “ثوار” “حيّا على النكاح” والجهاد في سبيل الحور العين، وطالبي الحورية و”الديمقراطيلية” ونحنا نقلهم هيدي مش ثورة ،،، هيدي حرب،،، انكفأوا،، كانوا يكذبوا عينك بنت عينك و “عنزة ولوطارت” انه هيدي ثورةّ ولغاية في نفس اسرائيل.!!
– اول ما بدأنا نشوف بساحات المعارك مقاتلين وجوههم غريبة عجيبة ما بتشبهنا، وعندهم لحية عمرها من عصر الجاهلية، ولابسين شراويل واللباس التقليدي الافغاني والشيشاني والباكستاني والطاجيسكتاني والمغولي، وشعوب البربر والتتر من شمال افريقيا، قلنالهم يا جماعة في مرتزقة ممولة مسبقاً، جايي لتقوص عالجيش وتقتل بالشعب، وتدمر سوريا وتراثها وحضارتها وعمرانها، وهيدي مش ثورة نضيفة، قالوا لأ هودي سوريين سلفيين!!! وهيدي الظاهرة مسؤول عنها النظام السوري،،،، ولما صرنا نشوف الجيش “الحر” كيف عم يدفن جثث المرتزقة بأرض المعارك او يحرقهن،، كرمال ما تنكشف اشكالن ادام الاعلام بعد مقتلهن، ولما أكدت الصحافة الغربية وجود مئات الآلاف منهم،،،
قسم كبير من مؤيدي “الثورة” الأشاوس، صار يبررها تحت حجة نصرة الشعب السوري، وهيدا حق مشروع بالاسلام بجسب فتاوى شيوخ الناتو والصهاينةالمرتزقين بدورهم من الوهابيين !!!
– شفنا تقارير اعلامية اجنبية عم تكشف وثائق من السلطات السعودية عن اطلاق سراح مئات المجرمين من السجون السعودية وتحت مبرر ارسالهم الى سوريا من أجل “الجهاد لنصرة اخوتهم في الاسلام بسوريا”، قالوا مناصري “الثورة”الأشاوس: لأ مش صحيح وهيدا تزوير ومفبرك،
_ شفنا كذا مرة اشخاص من مسلحي المرتزقة والمتمولين من الناتو وآل حمد وآل سعود طلعوا على اقنية ووسائل اعلام عبرية عدوة يحكوا بكل وقاحة انهم بحالة محاباة مع العدو الاسرائيلي، وانه هني ضد أي حوار مع الحكومة السورية وما في الا حوار الدم، قالوا جماعة “الثورجية” هيدا ما بعبر عن كل الثوار وانه حادث فردي، – شفنا صور لبرهان غليون واعضاء آخرين من مجلس اسطنبول اللاوطني مع مستشار نتنياهو كذا مرة بعواصم اوروبية مجتمعين ومصورين مع بعض سراً وعلانية،، قال البعض هودي ما بمثلونا شو بدنا فيهن يعلموا البدن اياه، والبعض الآخر دفنوا راسن بالرمل، وقالوا انه اسرائيل اشرف وأرحم من النظام والجيشالسوري والصفويين والعلويين والرافضيين ونظام ولاية الفقيه!!
_شفنا فتاوى العريفي والحنظلي والعرعور و”القرداوي” كيف عم تنهال علينا تباعاً، وعم تجيز اللواط والنكاح في اوساط المهيّجين والمهتاجين والمتوحشين من المقاتلين اللي كأنهم من الأدغال فوراً ناطيّن، ومن الشجرة مشوشحين، من مقاتلي جبهة النصرة وغيرهم من المرتزقة ومن التكفيريين، لتشجعهم على مواصلة القتال،، وكيف فتحت باب التقدم للحصول على شرف هذه المهنة المستحدثة بعالم الانسانية والحضارة عبر وسائل الاعلام ، امام مجاهدات النكاح المنقبات في العالم المتأسلم، وتحت عنوان انهم رح يكسبوا أجر لأنهم هيك بكونوا عمبجاهدوا من خلال تقديم خدمات المتعة لهؤلاء الارهابيين البرابرة ومن مال بترول آل حمد وآل سعود،،، وحينها قال البعض ممن يعتبرونها ثورة “مباركة” هذا جائز شرعاً ،، فالغاية تبرر الوسيلة.. أما المتعلمنين من انصار “الكيلو بكم”؟ قالوا هيدا اعلام النظام السوري، عم يزور الحقائق ويزيدها كرمال يعملوا “بعبع” للرأي العامويشوهوا “الثورة” وعبروا عن قلقهم من هذه الظاهرة!!!
– شفنا تقارير اعلامية تحدثت عن مباحثات جرت ما بين قياديين بفريق المعارضة والجانب الاسرائيلي لفتح اذاعة وبناء عامود ارسال لها على رأس جبل ضيعة المطلة المحتلة من القرى السبع اللبنانية، قالوا هيدا شي ثانوي ومش مهموبتحصل بأحسن العائلات، وهيدا انجاز مهم!!
شفنا فيديوهات وصور نقلتها وسائل اعلام غربية ومحلية وعبر الوسائط المتعددة، عم تكشف عن حجم بشاعة الجرائم اللي عم تمارسها جبهة النصرة اللي بدورها كانت بايعت تنظيم القاعدة الأرهابي المحظر دولياً، وغيرها من الجماعات المسلحة المتطرفة كيف عم تذبح وتنكّل وتفظّع بجثث عناصر من الجيش السوري وكيف عم تخطف وتأسر كل من يخالفها بالرأي وتعدم الأسرى المدنيين من العلماء والطلاب والمفكرين المؤيدين للنظام، وكيف مش عم تفرّق هالجماعات ما بين سني وشيعي وعلوي ومسيحي،،
وكيف عمليات الاعدام الجماعية عم تصير للأسرى وعملية الضرب والذبح والنحر وقطع الرؤوس والأوصال واكل القلوب والقذف عن السطوج والسحل تحت وابل من التكبير، عدا عن تعميم ثقافة الذبح والتعلم على فنونها في أوساط الأطفال وتربيتهم على القتال وامساك السلاح والسواطير وتربية الكراهية بقلوبهم بما يقشعرّ له البدن، وفوق كل هيدا كل اللي بيطلع مع هؤلاء الثورجيين “المتعلمنين” انهم ابدوا قلقهم!! من هالظاهرة،
وحملوا مسؤوليتها للنظام السوري، ومع حفظ ماء الوجه لجبهة النصرة على اعتبارها انها واضحة في مواقفها الاجرامية،، اما غيرها فمجرم بدون وضوح!!!، وقالوا كمان، ومع ذلك هيدا كله اعلام مبالغ فيه وهودي المسلحين اقليات ما بمثلوا الا نسبة قليلة من عدد “الثوار” الحقيقيين، واللي شفناه ما هو الا اعلام نظام ولاية الفقيه وحزب الله ،،كرمال يشوهوا مسيرة الثورة!!!
شفنا من يومين تقارير اجنبية متلفزة ومنها ما ورد علىى قناة فوكس الاخبارية الاميركية وقبلها قنوات فرنسية كذلك باعتراف القناة الثانية الاسرائيلية، واللي كشفت وجود قوات اسرائيلية وكوماندس مشاركة بالقتال بالقصير، الى جانب المعارضة المسلحة ، وشفنا آليات،، قال لأ هيدي الآليات جايبينها جماعة حزب الله معهن عن الحدود ومن مخلفات ال 2006!!!! وموضوع وجود الاسرائيليين شبكةفوكس عم تكذب!!
عرفنا انه نواب ووزراء لبنانيين ومقاتلين لبنانيين من عرسال ومن عكار كيف هبطوا فجأة للقتال في سوريا ولدعم تلك العمليات، الى جانب ها “الثورة المباركة”، وكأنها القدس ويريدون تحريرها، سبحان الله، العروبة والروح اليسارية كيف دبّت فجأة في قلوب كتير يمينيين وطائفيين وكارهين أشد الكره للسوريين في ما مضى،،، ومع هيدا انألبوا نوابنا وسياسيينا من أنصار عوكر، وقالوا نوابنا الكرام ومن معهم وفوقهم ووراءهم وتحتهم، ليس صحيحا ان لديهم مقاتلين هناك الى جانب المعارضة المسلحة،،،
وان منهم من كان يتواجد في حلب على الحدود التركية، في منطقة وجود “الحر” ومجلس اسطنبول، يحاول دراسة مشروع تجارة وتقديم مساعدات في مجال تصدير الحليب و”حفاضات” الاطفال، ومنهم من يحاول انقاذ اللبنانيين التسعة المخطوفين!! وحتى الآن لم نرى ظفراً من هؤلاء التسعة، ولا سمعنا بأيمن تلك المساعدات وصلت لأهالي حلب,
كتير شفنا وعبر وسائل اعلام غربية مش بس عربية، بل ومدونين صحافيين أجانب،، انه في كتير فرق أجنبية عم بقاتلوا منهم فرنسيين والمان واتراك وشيشان الى جانب المعارضة المسلحة بيشبهوا كتير عصابة “بلاك ووتر” اللي انكشفت بالعراق سابقاً، ومع ذلك جماعة عوكر والثورجية وعاشقي هواية ” النعامة” ما بدهن يشوفو ولا يقشعوا ولا يفكروا ولا يحللوا ولا يستنتجوا،،، ختم الله على قلوبهم ،،،، ولك كتير هالقد العمالة والتضليل والقبض على حساب الأوطان, طلع الصحافي الفرنسي “تيري ميسان” وكثير غيره من الصحافيين والمدونين الغربيين، أكثر عروبة ووطنية ووعياً منكم،،، كيف بدكم تقنعوه انه هيدي ثورة وهي مدعومة من ليبرمان والبريطانيين والأميركان ؟؟
خربتوا البلد، الله يخرب بيتكم، حمامات الدم عم تتعبا بالبراميل، لولاكم الحرب كانت خلصت من زمان، ارحموا هالشعب وارحموا هالتاريخ واللي بصقكن من تمُّه لأنكم صعب تنبلعوا ،،، لأنكم قذارى ومتل السم الهاري!! وهلق عم تحتجوا على حزب الله ليش عم بساعد قوات الجيش السوري ليتغلب على هالوحوش الكاسرة ؟؟،، اخرسوا يا عهرة ويا بائعي التاريخ النضِر الىالشياطين من اجل حفنة من الدولارات.
الله يلطف فينا يا رب ويكشف زيفكم وعهركم امام مناصريكم المضللين قريباً يا رب، ويريحنا من كل جاهل وعدو مبين وغشيم لئيم!!
