NOVANEWS
اسرائیلی حکام نے مسلمانوں کی تیسری مقدس ترین مسجد’’مسجد اقصی‘‘ میں نماز جمعہ کے لیے آنے والے نمازیوں کے داخلے پر پابندیاں عائد کرتے ہوئے حرم قدسی کے اطراف چیک پوسٹیں قائم کر لی ہیں۔
اسرائیلی ریڈیو کے مطابق صہیونی سکیورٹی فورسز کا کہنا ہےکہ نماز جمعہ کے لیے نیلا شناختی کارڈ رکھنے والے صرف 45 سال سے زائد عمر کے مردوں کو مسجد اقصی میں داخل ہونے دیا جائے گا تاہم خواتین پر عمر کی کوئی پابندی عائد نہیں کی جائے گی۔
مزید برآں اسرائیلی پولیس نے مقبوضہ مشرقی القدس کی اولڈ میونسپلٹی میں ھنگامی حالت کا نفاد کر کے جگہ جگہ چیک پوسٹیں قائم کرلی ہیں تاکہ کسی بھی نوجوان کو مسجد اقصی میں داخل نہ ہونے دیا جائے۔
پولیس عہدیداروں کا کہنا ہے کہ پابندی کا یہ فیصلہ ان معلومات کی روشنی میں کیا گیا ہے جس کے مطابق بعض عناصر نماز جمعہ کے بعد امن عامہ میں خلل ڈالنے کی تیاری کر رہے ہیں
